Translaziuns

teater

• Shakespeare: In siemi dalla notg sogn Gion / A midsummer night's dream, Laax 2009
• E. Harris: Johnny Belinda, Cuera 1999
• Brecht: La veta da Galilei, 1997
• Molière: Il Ranver, 1987

prosa

• Doris Lechner: Serafina ha ils onns, Zürich 2021
  Serafina ha ils onns. Librat, il stgirat, vul dar ad ella in schenghetg. Sin via entaupa ella l'uolp ...
• Martha Pabst: Il stgirat e Sontgaclau, Zürich 2020
  Il stgirat sededesta da miez unviern. El schela ed anfla buca pli sias nuschs!
• Daniele Meocci: Ina cullina per Kaua, Zürich 2019
  Kaua ei aunc buca ditg en Svizra. El ei reservaus e fa buca bugen termagls cun tschels affons. Emma porta in canaster plein caussas en scola. Denter quellas ei era in schurmegiacanera. Sa tgei ch'ella ha el senn cun quel?
• Martin Helg: Campiuns da ballapei 02 – Lionel Messi, Gianluigi Buffon, Ramona Bachmann, Zürich 2018
  Campiuns da ballapei cura ch'els fan striegn culla balla va quei sco da far nuot. Denton la via tochen cheu ei fadigiusa. Lionel Messi era sco affon aschi pigns che negin quintava cun el. Gianluigi Buffon ei curdaus en ina nauscha crisa sco giuven giugadur. Era da Ramona Bachmann spitgavan ins ch'ella emprendi ina clamada raschuneivla. Da dar si lur finamiras pervia da quei fuss denton buca vegniu en damonda, a buc in: Quei ha fatg ord els campiuns.
• Lorenz Pauli / Kathrin Schärer: Suenter la fiasta, Zürich 2018
  Quei ei stau ina biala fiasta ! Toch' il proxim natalezi Vai aunc 52 dumengias, 12 meins, 4 stagiuns. Oh! 365 dis... ni sei schizun 366?
• Martin Helg: Campiuns da ballapei 01 – Cristiano Ronaldo, Xherdan Shaqiri, Zlatan Ibrahimović, Zürich 2017
  Els electriseschan lur fans, ein incalculabels e fan perquei pial gaglina a mintga adversari. Denton co ein Cristiano Ronaldo, Xehrdan Shaqiri e Zlatan Ibrahimović daventai ils stars sco nus adurein oz els? Segir buca cun s'adattar. Tier tut lur differenzas han quels treis numnadamein zatgei cumineivel: Els han gia sco talents giuvens fatg quei ch'els levan.
• Walter Benjamin: Rastelli raquenta..., Zürich 2016
  Ei era inagada in schonglader, renomaus sigl entir mund, che fageva bunamein miraclas cun sia balla. In di denton eis ei capitau ch'il meister ha sez buca pli saviu, tgi che damogni tgi. El la balla ni la balla el?
• Heinz Lüthi: Il grond sgol da Marmottin (Murmelis grosser Flug), Cuera 2015
  Finalmein, l’odur da primavera! Uss astga Marmottin seschluitar ord il staup e magliar ton sco el po. Denton eis ei era d’emprender massas: per exempel co ins fa guardia e co ins schula in tec scosauda cu igl ei prighel. Per cletg ei il tat in bien scolast. Ed ha leutier aunc plein aventuras el tgau.
• Lorenz Pauli e Laura Jurt: Na, naa! (Aber nein!), Zürich 2015
  Eis ei in giug? Na, naa! Eis ei ina sgnocca? Na, naa! Eis ei scumandau? Na, naa!
• Lorenz Pauli & Kathrin Schärer: Vanda vul ir (Wanda will weg), Zürich 2014
  Sa Vanda leger bein ni dir bein manzegnas? Emporta nuot! Ella sa viver bein. E Bubu vegn a ludar ella.
• Émile Zola: Il Mehel Grond (Le Grand Michu), Zürich 2014
  La sera - ei era il di dil merluz en sosa brina - ha la cauma entschiet ella sala da magliar en ina unanimitad veramein impressiunonta. La historia d'ina vera revolta.
• Robert Walser Il rubadur ed autras historias, Zürich 2013
  Ina dunna giuvna cun in caset plein liuns e butschins plein siarps careza in rubadur. In domptur vegn mazzaus dad in liun. Siu fegl, aunc in buob, surpren temerariamein la clamada da siu bab. Ei neiva – ni in uaul brischa e glischa en ina cotschnur sco sch’el fuss vegnius mess en flommas dad in stravagant hurlimuz surnatural.
  19 historias cuortas da Robert Walser.
• Friedrich Dürrenmatt: Il tgaun (Der Hund), Zürich 2012
  «Quei ei miu bab», di la buoba. Ella viva cun el en ina stanza-tschaler stgira. Las preits ein cuvridas cun cudischs. Era in grond tgaun ner cun egls mellens sco zuolper e dents dalla medema colur ei secasaus ina sera tier els.
• Franz Kafka: Ina cruschada (Eine Kreuzung), Zürich 2011
  Eis el in gattegl ni in tschut? Sesenta el buc persuls ed ha el buca pigns? Quei damondan ils affons cura ch’els visetan igl animal aparti la dumengia. Ina historia cuorta da Franz Kafka.
• Franz Hohler: Jonas ed il tgaun (Jonas und der Hund), Zürich 2011
  Jonas ei svanius. Il pedel ha viu el sco davos –
  cun in tgaun. Mo Jonas ha bein buc in tgaun! 
• Blaise Cendrars: Il retg dils orfans (Le roi des orphelins), Zürich 2010
  Cu igl affon ha viu ch’ ins veva emblidau el, ha el detg: Engraziel! El ei staus si e turnaus el venter digl utschi. Mo cuninagada eis el puspei sortius cun mellis e mellis cumpogns, in pli tarlischonts che tschel, vestgi sco da fiug. Els ein sesalzai ell’ aria, els ein turniglai el sulegl, epi ein els sederschi sur il vitg per mudergiar ils carstgauns. Ina historia africana raquintada da Blaise Cendrars.
• James Joyce: Il giat ed il giavel (The cat and the devil), Zürich 2010
  Ina punt? Clar ch’ils habitonts da Beaugency levan ina punt, denton tgei custava quella? Buca tschun raps, di il giavel, tut quei ch’jeu damondel ei che l’emprema persuna che passa sur la punt vi s’audi a mi. Ina legenda legra e maliziusa da James Joyce per ils pigns, ch’ils pli gronds legian cun deletg. 
• Michel Tournier: Venderdis ni la veta selvadia (Vendredi ou la vie sauvage), Zürich 2008
  Robinson vegn fiers a riva suenter in naufragi sin in'insla pignpintga dalla Mar meridiunala. El pren possess da quella e guvernescha ella. Lu anfla el Venderdis ch'el fa siu survient. Mo pli fetg che Robinson emprova da sfurzar si a Venderdis sias reglas e pli fetg ch'el sto schar secuvierer ellas cun sablun. Plaunsiu seremetta Robinson all'insla ed a Venderdis. Era la natira reconquista siu reginavel. E la puorla da sittar che representava per Robinson inagada segirtad e pussonza, drova Venderdis ussa per far cun Robinson il sault dil fiug.
• Esther Spinner: Melac, Turra Taga e signur Pemilleis (Malek, Dörte Klisch und Herr Sause-Flüsternd), Zürich 2007
  Melac, Turra Taga e signur Pemilleis ein exact tuttina e tuttina differents: Els maglian meila, colan caugummi, cuschinan coccas, tuoschan tudi e manezzan bugen mazurcas. Ina historia cuorta cun anagrams ed allitteraziuns da leger e far teater.

poesia

• Lev Berinski: Igl effect da stereo dalla moschea Dshuma-Dshami el port da Jewpatoria, Wiesenbronn 2009
• Kurt Schwitters: Ad Anna Flura, in: A-----N-----N-----A!, Lüneburg 2000